कुलमान घिसिङले नेपाल विद्युत् प्राधिकरणको कार्यकारी निर्देशक पदबाट आफूलाई बर्खास्त गर्ने सरकारको निर्णयविरुद्ध दायर गरेको रिट सर्वोच्च अदालतमा दर्ता गरिएको छ।
प्रधानमन्त्री तथा मन्त्रिपरिषद्को कार्यालय, ऊर्जामन्त्री दीपक खड्का, प्राधिकरणको सञ्चालक समिति र नवनियुक्त कार्यकारी निर्देशक हितमान शाक्यलाई विपक्षी बनाउँदै उनले उक्त रिट पेस गरेका हुन्। रिटमा घिसिङले आफूलाई कार्यकारी निर्देशक पदमा पुनर्स्थापना गर्नुपर्ने माग गरेका छन्।
बुधवार पेस गरिएको उक्त रिट गैरकानुनी रूपमा हटाइएको भन्दै पुनर्स्थापनाको मागसहित दायर गरिएको हो। सर्वोच्च अदालत प्रशासनले रिट आज मात्रै दर्ता भएको जानकारी दिएको छ।
शुक्रवार उक्त रिटमाथि प्रारम्भिक सुनुवाइका लागि पेसी तोकिएको छ।